محترم قارئین! مجھے نہیں معلوم درج ذیل باتیں شاید آپ کو مذاق لگیں یا آپ میرے دماغ کا وہم سمجھیں مگر یہ باتیں ہمارے خاندان میں بارہا تجربہ شدہ ہیں۔(1)نیا چاند پہلی بار دیکھ کر اگر شیر خوار بچے کو دیکھا جائے تو پورا ماہ بچہ اکثر گرتا رہتا ہے۔(2)نیا چاند جس قسم کے فرد کے چہرے پر دیکھا جائے مہینہ اسی طرح گزرتا ہے۔ لڑاکا بندہ ہوتو اکثر لڑائی کا خدشہ رہتا ہے۔ کھلے خرچ والا ہوتو پیسے کی فراوانی اور اگر کسی بازار یا کہیں آتے جاتے میں نظر پڑے تو پورا مہینہ اکثر باہر جانا پڑتا ہے۔یہ تجربہ شدہ بات آپ کو بتارہا ہوں آپ بھی تجربہ کرکے دیکھ لیں۔ سب کچھ کرنے والا اللہ ہے یہ صرف ایک ٹوٹکہ ہے اس میں شرک وغیرہ نہ کیا جائے چاند دیکھ کر ہمیشہ مسنون دعا ضرور کریں آپ جیسا چاہیں گے مہینہ ویسا ہی ہوگا۔
عبقری ٹوٹکہ سیکشن:قارئین! بعض اوقات لاعلاج بیماریوں میں جہاں بڑی بڑی ادویات اور مہنگے علاج ناکام ہوجاتے ہیں وہاں چھوٹے چھوٹے ٹوٹکے کارگر ثابت ہوتے ہیں جنہیں بظاہر کوئی اہمیت نہیں دی جاتی تو قارئین آپ مستقل بڑے بوڑھوں کے وہ ٹوٹکے سنے یا آزمائے ہوئے ضرور لکھیں‘ عبقری نے ایک ٹوٹکہ سیکشن قائم کیا ہے تاکہ مخلوق کی خدمت ہو اور انسانیت کو نفع پہنچے ۔نوٹ: ایسے ٹوٹکے بھیجیں جن میں ادویات کا استعمال نہ ہو اور کہیں ایسا نہ ہو کہ ٹوٹکوں والی کتاب اٹھا کر سارے ٹوٹکے لکھ کر بھیجیں ایسا ہرگز نہ کریں۔ صرف آزمودہ اور سینے کے راز ٹوٹکے ہی بھیجیں۔